Deallusrwydd Artiffisial er Lles: Tasglu Deallusrwydd Artiffisial Elusennol Newydd wedi’i Lansio i Hyrwyddo Deallusrwydd Artiffisial Moesegol yn Sector Cymdeithasol y DU

Pwy ydyn nhw? 

Wedi’i gadeirio ar y cyd gan Dan Sutch (Cyfarwyddwr CAST) a Zoe Amar (Sylfaenydd Zoe Amar Digital), mae’r Tasglu Deallusrwydd Artiffisial Elusennol yn dwyn ynghyd gynghrair o dros 50 o sefydliadau sy’n aelodau. Mae’r rhain yn cynnwys Bank Foundation for England and Wales, Cronfa Gymunedol y Loteri Genedlaethol, SCVO, Charity Digital a CharityComms. 

Beth yw eu pwrpas?  

• Cynrychioli a chefnogi’r sector elusennol yn y DU wrth lywio traweffeithiau Deallusrwydd Artiffisial. 
• Rhoi arweiniad i elusennau ar ddefnydd diogel, teg a moesegol o Ddeallusrwydd Artiffisial a gwneud penderfyniadau ynghylch Deallusrwydd Artiffisial sy’n seiliedig ar wybodaeth. 
• Gwrando ar wahanol grwpiau a gweithio gyda hwy i sicrhau safbwyntiau amrywiol a chynhwysol. 
• Datblygu, canfod a rhannu argymhellion ymarferol, adnoddau ac ymdrechion er mwyn cefnogi ymateb elusennau i Ddeallusrwydd Artiffisial.
• Adeiladu partneriaethau, cydweithrediad a rhannu gwybodaeth rhwng elusennau, arbenigwyr technegol, y llywodraeth a busnesau. 

Beth yw eu nod?  

Mae’r tasglu’n canolbwyntio ar bedwar prif nod: 

• Gweithredu fel llais ar y cyd ar gyfer Deallusrwydd Artiffisial yn y sector elusennol, gan wneud yr achos am gefnogaeth a phartneriaethau a hyrwyddo ein mewnwelediadau. 
• Dylanwadu ar ddefnydd cyfrifol, moesegol (gan gynnwys un sy’n gyfeillgar tuag at yr amgylchedd) a chynhwysol o Ddeallusrwydd Artiffisial oddi mewn ac oddi allan i’r sector. 
• Annog cydweithredu rhwng grwpiau allweddol h.y. arianwyr, rheoleiddwyr, elusennau mawr a bach, busnesau a’r sector gyhoeddus. 
• Alinio ymdrechion er mwyn sicrhau cefnogaeth well a chyflymach i’r sector.

Mae’r tasglu hefyd yn ceisio anelu i helpu elusennau ddeall yr ystyriaethau moesegol a’r goblygiadau ymarferol o ddefnyddio technolegau Deallusrwydd Artiffisial. 

Sut allwch chi gymryd rhan? 

Gwahoddir elusennau, arianwyr, ymchwilwyr ac eraill sydd â diddordeb mewn Deallusrwydd Artiffisial yn y trydydd sector i gyfranogi.  

Mae ychydig o ffyrdd y gallwch gymryd rhan:  

• Ymuno gydag un o’r grwpiau gweithio sy’n benodol i’r sector (ar gyfer elusennau bach, arianwyr a.y.y.b.). 
• Cyfranogi mewn byrddau crwn neu grwpiau ffocws.
• Rhannu mewnwelediadau, ymchwil neu astudiaethau achos ar ddefnyddio Deallusrwydd Artiffisial.

Er mwyn mynegi diddordeb neu gyfrannu, cysylltwch gyda’r tasglu drwy ebostio taskforce@wearecast.org.uk.