Mentora

Lucy Palmer

Sep 14, 2023 • 2 min read

Fel partner yn y prosiect Newid, mae Cwmpas yn cynnig gwasanaeth mentora sy’n helpu sefydliadau trydydd sector i asesu a deall sut i ddefnyddio technoleg i gyflawni eu nodau.

Bydd ein Mentor yn archwilio arferion a galluoedd cyfredol, yn grymuso ac yn arwain sefydliadau i ddatblygu eu diwylliant digidol, dod o hyd i'r atebion cywir, a nodi ffyrdd ymarferol o'u gweithredu'n llwyddiannus.

Beth yw Cymorth Mentora?

Edrych ar sut mae eich mudiad yn gweithio ar hyn o bryd a beth yw’r weledigaeth/ uchelgais.
Help mentora perthnasol i chi. Byddwn yn trafod defnydd ymarferol technoleg i foderneiddio fel mae’r mudiad yn gweithredu.
Cymorth i ystyried a thrafod ffyrdd gwell o weithio yn y tymor bur ac yn y dyfodol.
Cefnogaeth i ddatblygu gallu mewnol eich tîm i barhau i ddod o hyd i ffyrdd newydd o weithio.
Creu cynlluniau clir a syml. Bydd yn helpu eich timau i wneud i newid effeithiol.

Pwy all wneud cais?

I gymryd rhan, rhaid i’ch mudiad:

Fod yn fudiad trydydd sector cofrestredig sy’n gweithio yng Nghymru, gyda throsiant ariannol yn fwy na £20,000 y flwyddyn.
Gallu i weithredu newidiadau gydag adnoddau mewnol
Fod yn barod i fod yn rhan o’r broses mentora am yr holl amser

Gwnewch gais nawr

Y Camau Nesaf

Cysylltwch â Marc Davies marc.davies@cwmpas.coop a Samina Ali samina.ali@cwmpas.coop am ragor o wybodaeth.

Rydym yn wirioneddol werthfawrogi eich diddordeb yn ein mentora digidol, mae'n hadnoddau yn gyfyngedig, ac ar adegau, fydd rhaid cynnwys ymholiadau ar ein rhestr aros. Byddwn yn sicr o gysylltu â chi cyn gynted ag y bydd agoriad ar gael.

Gwerthfawrogir eich dealltwriaeth yn fawr, ac edrychwn ymlaen at eich cynorthwyo.

Mentora Newid Cwestiynau Cyffredin

CC Mentora Newid

Perthynas gefnogol yw mentora lle mae unigolyn profiadol (y mentor) yn helpu eich sefydliad i feddwl drwy heriau ac archwilio syniadau newydd. Byddant yn rhannu mewnwelediadau ac arweiniad.

Chi sy’n cadw’r awenau o ran cyfeiriad a chamau gweithredu.

Pa mor hir yw’r broses fentora?

Ar gyfartaledd, mae ein mentoriaid yn gweithio gyda phob sefydliad am tua 21–28 awr. Mae hyn yn cynnwys asesiad cychwynnol, ymchwil i opsiynau wedi’u teilwra, a sesiynau cefnogi gyda chi neu’ch tîm.

A oes cost i’r gwasanaeth?

Nac oes, mae’r mentora’n hollol rad ac am ddim, wedi’i ariannu gan Uned y Trydydd Sector Llywodraeth Cymru.

Beth yw ‘gweithle modern’?

Mae gweithle modern yn defnyddio offer digidol a dulliau diweddara i wneud tasgau bob dydd yn haws, arbed amser, a gwella’r gwasanaeth.

A fydd y mentor yn gwneud y gwaith i ni?

Na fydd, nid yw mentoriaid yn gwneud y gwaith i chi. Fodd bynnag, byddant yn eich cefnogi i:

Flaenoriaethu opsiynau
Magu hyder
Cynllunio camau nesaf ymarferol

Er mwyn sicrhau newid cynaliadwy go iawn, mae angen i’ch tîm arwain y ffordd, ac mae’r mentoriaid yma i helpu hynny i ddigwydd.

Beth os oes angen cyngor arbenigol arnom (e.e. codio cyfrifiadurol)?

Mae gan ein tîm brofiad eang, ond nid ydym yn arbenigwyr ym mhob maes technoleg. Os yw eich anghenion y tu hwnt i’n harbenigedd, er enghraifft, datblygu meddalwedd wedi’i haddasu, byddwn yn eich helpu i archwilio’r opsiynau ac yn eich cyflwyno i weithwyr proffesiynol dibynadwy o’n rhwydweithiau ledled y DU.