Hyffordiant a Chefnogaeth

Mentora digidol am ddim i sefydliadau’r trydydd sector yng Nghymru

Nathan Williams

May 18, 2026 • 4 min read

Ydy’ch sefydliad chi’n barod i fabwysiadu dulliau digidol mwy effeithlon o weithio? Mae Rhaglen Newid yn cynnig mentora wedi’i deilwra ac wedi’i ariannu’n llawn i helpu elusennau, mentrau cymdeithasol a grwpiau cymunedol ledled Cymru i foderneiddio’u dulliau gwaith.

Ynglŷn â’r Rhaglen

Rhaglen bartneriaeth yw Newid, sydd yn cael ei rhedeg gan, WCVA, Cwmpas a ProMo Cymru a’u hariannu gan Lywodraeth Cymru.

Rydyn ni’n helpu trydydd sector Cymru i ddefnyddio arferion digidol yn dda. Mae hyn yn cynnwys cynnig hyfforddiant ymarferol, cyngor, ac adnoddau. Mae’r cymorth yn helpu mudiadau i deimlo’n fwy hyderus ac i weithio’n fwy effeithiol gan ddefnyddio offer digidol.

Gwnewch gais nawr

Ynglŷn â’r ‘Galwad Agored’ hwn

Mae Rhaglen Newid yn chwilio am nifer cyfyngedig o fudiadau Trydydd Sector Cymru, (Fentrau Cymdeithasol, elusennau, a Mudiadau Cymunedol) i gymryd rhan yn ein cymorth mentora. Mae’r cynnig yma i archwilio sut all eich mudiad chi, ddefnyddio technoleg, gweithio’n fwy effeithiol, arbed amser, a gwneud newidiadau i alli wella prosesau gweithredol.

Pa gymorth fyddwch yn ei gael?

Bydd sefydliadau llwyddiannus yn derbyn hyd at 35 awr o gymorth mentora wedi’i deilwra, yn dibynnu ar drosiant ac angen a nodwyd. Bydd y cymorth hwn yn cynnwys:

Bydd y cymorth hwn yn cynnwys:

Asesiad o’ch arferion gweithredol presennol a’ch ffyrdd o weithio
Mentora personol i archwilio gwelliannau digidol ymarferol a chyfleoedd moderneiddio
Arweiniad ar nodi a gweithredu prosesau gwell (yn y tymor byr a’r tymor hir)
Cymorth i adeiladu capasiti mewnol a hyder i gynnal newid
Datblygu cynlluniau gweithredu clir a realistig i helpu eich sefydliad i symud ymlaen

Mae’r cymorth wedi’i deilwra i’ch anghenion a gall gynnwys meysydd fel deallusrwydd artiffisial (AI), rheoli data, llifoedd gwaith, ac offer digidol.

Pwy all wneud cais?

Rydym yn chwilio am sefydliadau’r trydydd sector yng Nghymru (gan gynnwys elusennau, mentrau cymdeithasol a grwpiau cymunedol) sydd:

Yn barod i wella sut maent yn gweithio drwy ddulliau digidol
Yn gallu ymrwymo amser a chapasiti i’r broses fentora
Bod â throsiant blynyddol o dros £20,000 y flwyddyn

Sut mae’n gweithio

Bydd y cymorth yn cael ei ddarparu mewn dau garfan:

Dechrau Mehefin 2026 (Carfan 1) – ar gyfer sefydliadau sy’n barod i ddechrau’n fuan
Dechrau Medi 2026 (Carfan 2) – ar gyfer sefydliadau sydd angen mwy o amser i baratoi

Gofynnir i chi nodi pa garfan sydd orau i chi fel rhan o’r cais.

Dyddiadau allweddol

Agor ceisiadau: 7 Mai 2026
Dyddiad cau: 12 Mehefin 2026 (5pm)
Dyddiadau dechrau: Mehefin 2026 neu Medi 2026
Cyswllt ar gyfer ymholiadau: newid@cwmpas.coop

Gwnewch gais nawr!

Beth sy’n digwydd nesaf?

Bydd ymgeiswyr llwyddiannus yn cael eu cysylltu ym mis Mehefin.

Gofynnir i sefydliadau lofnodi cytundeb cyfranogwr byr i gadarnhau eu hymrwymiad i’r rhaglen.

Yn anffodus, oherwydd capasiti cyfyngedig y cynnig hwn, ni fydd pob cais yn llwyddiannus.

Lle bo modd, bydd ymgeiswyr aflwyddiannus yn derbyn adborth a gwybodaeth am opsiynau cymorth amgen. Byddwn hefyd yn cadw rhestr wrth gefn rhag ofn i unrhyw sefydliadau llwyddiannus dynnu’n ôl o’r broses.

Mentora Newid Cwestiynau Cyffredin

CC Mentora Newid

Perthynas gefnogol yw mentora lle mae unigolyn profiadol (y mentor) yn helpu eich sefydliad i feddwl drwy heriau ac archwilio syniadau newydd. Byddant yn rhannu mewnwelediadau ac arweiniad.

Chi sy’n cadw’r awenau o ran cyfeiriad a chamau gweithredu.

Pa mor hir yw’r broses fentora?

Ar gyfartaledd, mae ein mentoriaid yn gweithio gyda phob sefydliad am tua 21–28 awr. Mae hyn yn cynnwys asesiad cychwynnol, ymchwil i opsiynau wedi’u teilwra, a sesiynau cefnogi gyda chi neu’ch tîm.

A oes cost i’r gwasanaeth?

Nac oes, mae’r mentora’n hollol rad ac am ddim, wedi’i ariannu gan Uned y Trydydd Sector Llywodraeth Cymru.

A fydd y mentor yn gwneud y gwaith i ni?

Na fydd, nid yw mentoriaid yn gwneud y gwaith i chi. Fodd bynnag, byddant yn eich cefnogi i:

Flaenoriaethu opsiynau
Magu hyder
Cynllunio camau nesaf ymarferol

Er mwyn sicrhau newid cynaliadwy go iawn, mae angen i’ch tîm arwain y ffordd, ac mae’r mentoriaid yma i helpu hynny i ddigwydd.

Beth os oes angen cyngor arbenigol arnom (e.e. codio cyfrifiadurol)?

Mae gan ein tîm brofiad eang, ond nid ydym yn arbenigwyr ym mhob maes technoleg. Os yw eich anghenion y tu hwnt i’n harbenigedd, er enghraifft, datblygu meddalwedd wedi’i haddasu, byddwn yn eich helpu i archwilio’r opsiynau ac yn eich cyflwyno i weithwyr proffesiynol dibynadwy o’n rhwydweithiau ledled y DU.