Sesiynau hyfforddi am ddim yn ystod mis Tachwedd a Rhagfyr eleni
Sesiynau hyfforddi am ddim i fudiadau trydydd sector yng Nghymru ym mis Tachwedd a mis Rhagfyr.
Gallwch chi gael sesiynau hyfforddi am ddim ar bynciau digidol gwahanol ym misoedd Tachwedd a Rhagfyr eleni. Mae’r sesiynau hyn wedi’u cynllunio i helpu mudiadau trydydd sector i ddefnyddio digidol i arbed amser, dangos eu heffaith, a’u cefnogi i ddarparu eu gwasanaethau.
Mae’r sesiynau hyfforddiant ar gael yn y Gymraeg a Saesneg, a byddant yn cael eu darparu gan Big Learning Company, sydd â 15 mlynedd o brofiad yn datblygu a chyflwyno rhaglenni dysgu digidol ar draws pob sector yng Nghymru.
Bydd y sesiynau yn edrych ar offer digidol amrywiol sydd naill ai ar gael am ddim, yn rhad, neu sydd eisoes ar gael trwy becynnau swyddfa.
Gweithio’n fwy effeithlon gydag offer a thechnoleg ddigidol
Dydd Mawrth 14 Tachwedd 2023 |10am – 1pm | Ar-lein | Sesiwn Saesneg
Dydd Mercher 15 Tachwedd 2023 |10am – 1pm | Ar-lein | Sesiwn Gymraeg
Yn ystod y cwrs hwn byddwch chi’n cael gwybodaeth am offer digidol fel Microsoft Teams, Miro, a Microsoft Visio, ymhlith eraill, ac yn dysgu sut gallant symleiddio a gwella eich gwaith, a helpu i reoli prosiectau.
Marchnata digidol a chyfryngau cymdeithasol
Dydd Mawrth 21 Tachwedd 2023 |10am – 1pm | Ar-lein | Sesiwn Saesneg
Dydd Mercher 22 Tachwedd 2023 |10am – 1pm | Ar-lein | Sesiwn Gymraeg
Bydd y cwrs hanner diwrnod hwn yn rhoi’r wybodaeth i chi allu defnyddio eich platfformau cyfryngau cymdeithasol fel adnoddau marchnata effeithiol.
Cydweithio a chyfathrebu digidol
Dydd Mawrth 28 Tachwedd 2023 | 10am – 1pm | Ar-lein | Sesiwn Saesneg
Bydd y sesiwn a gyflwynir drwy gyfrwng y Gymraeg yn cael ei chynnal ar ddechrau 2024. Cysylltwch ag archebion@wcva.cymru i gofrestru eich diddordeb.
Bydd y cwrs hanner diwrnod hwn yn edrych ar y dulliau ac offer i wella cyfathrebu a chydweithio yn y gweithle. Byddwch yn datblygu’r sgiliau hanfodol ar gyfer cydweithio’n effeithiol o fewn amgylcheddau rhithwir, gan feithrin gwaith tîm a chyfathrebu mwy effeithlon yn y gweithle digidol.
Cael mwy allan o’ch data: Offer ar gyfer dadansoddi data
Dydd Mawrth 5 Rhagfyr 2023 |10am – 1pm | Ar-lein | Sesiwn Saesneg
Dydd Mercher 6 Rhagfyr 2023 |10am – 1pm | Ar-lein |Sesiwn Gymraeg
Yn y cwrs hanner diwrnod hwn, byddwn yn edrych ar sut gallwch chi gasglu, dadansoddi a defnyddio data i lywio eich penderfyniadau. Byddwn hefyd yn edrych ar arferion gorau ar gyfer diogelu eich data.
Hoffi'r post yma? Clicia isod i rannu