Cynllun Grantiau Bach Newid: Gwneud cais am £500-£3,000 i Ddatblygu Eich Gwaith Digidol

Beth yw’r Cynllun Grantiau Bach? 

Mae’r Cynllun Grantiau Bach Newid yn cynnig cyllid rhwng £500 a £3,000 i helpu sefydliadau’r trydydd sector i gymryd y cam nesaf yn eu taith ddigidol. Ar hyn o bryd, mae’r cynllun grant yn rhedeg unwaith y flwyddyn.  

Os yw eich sefydliad wedi derbyn cymorth uniongyrchol gan Newid, rydych chi’n gymwys i wneud cais. Mae’r cynllun hwn wedi’i ddylunio i’ch helpu i roi’r hyn a ddysgwyd gennych ar waith drwy ein rhaglenni. Rydym eisiau eich cefnogi drwy ddarparu’r cyllid i droi syniadau a chynlluniau’n weithredoedd go iawn.

Pwy all wneud cais? 

Mae’r cynllun ar agor i sefydliadau sydd wedi cymryd rhan mewn cymorth tymor hirach gan Newid. 

Gallai hyn gynnwys

• Rhaglenni mentora 
• Cyrsiau dylunio gwasanaeth 
• Sesiynau hyfforddi diwrnod cyfan 
• Cynigion cymorth estynedig eraill 

Os ydych wedi bod yn gweithio gyda Newid, rydych yn debygol o fod yn gymwys. 

Beth mae’r grant yn gallu ei ariannu? 

Mae wedi’i ddylunio i helpu’r grwpiau hyn i adeiladu ar yr hyn maent wedi’i ddysgu, troi syniadau neu gynlluniau o sesiynau cymorth Newid i weithrediadau ymarferol, real.  

Gall grantiau gefnogi ystod eang o welliannau digidol, yn cynnwys 

• Prynu offer 
• Prynu meddalwedd neu danysgrifiadau 
• Datblygu staff, megis hyfforddiant neu gynadleddau 
• Caffael ymgynghori digidol arbenigol 
• Amser staff i gynnal gwelliannau digidol a phrosiectau dylunio gwasanaeth 

Sut i wneud cais 

Os yw eich sefydliad wedi derbyn cymorth gan Newid, byddwn yn cael eich hysbysu’n awtomatig ynghylch rowndiau’r Cynllun Grantiau Bach yn y dyfodol. 

Bydd y rownd nesaf ar agor yn 2026 a bydd aelod o’r tîm Newid yn cysylltu â chi’n uniongyrchol gyda’r manylion ar sut i wneud cais, beth sy’n gymwys, a dyddiad cau cyflwyno ceisiadau.  

Nid oes angen gwneud cais nes y byddwch wedi clywed gennym, ond os oes gennych unrhyw gwestiynau yn y cyfamser, mae’r tîm newid yma i helpu.