Cwrs Cynllunio Gwasanaethau Digidol: Medi 2026

Bydd ein cwrs Dylunio Gwasanaethau Digidol am ddim yn rhoi'r sgiliau ymarferol a'r hyder i chi archwilio sut gall digidol wella'r ffordd y mae eich sefydliad yn gweithio - p'un ai yw hynny'n gwneud eich gwasanaethau yn haws i bobl gael mynediad atynt, yn gwella profiadau ar gyfer y bobl yr ydych yn eu cefnogi, neu'n symleiddio prosesau dydd i ddydd eich tîm. 

Dros 10 wythnos, byddwch yn cael eich arwain drwy'r dull Darganfod, Diffinio, Datblygu, gan ddysgu sut i ddeall anghenion pobl, profi syniadau'n fuan a datblygu datrysiad ymarferol i her wirioneddol yn eich sefydliad. 

Lluniwyd y cwrs ymarferol hwn yn benodol ar gyfer sefydliadau'r trydydd sector yng Nghymru, gydag arweiniad arbenigol, cefnogaeth mentor a gweithgareddau ymarferol y gallwch eu rhoi ar waith ar unwaith. 

Erbyn diwedd y cwrs, bydd gennych: 

• Sgiliau dylunio gwasanaeth ymarferol y gallwch eu defnyddio ar draws eich sefydliad. 
• Prototeip wedi'i brofi, wedi'i ddatblygu o amgylch her sefydliadol go iawn. 
• Dealltwriaeth ddyfnach o anghenion y bobl sy’n defnyddio’ch gwasanaeth, eich tîm, neu'r bobl yr ydych yn eu cefnogi. 
• Y cymhwysedd i wneud cais ar gyfer y rownd nesaf o'r Cynllun Grantiau Bach yn Hydref 2026. 

Mae mynychwyr cynt wedi dweud

"Rwyf wastad yn gwella bob rhan o'm diwrnod gwaith wrth feddwl sut gallaf roi'r hyn a ddysgais ar waith."

"Mae hud yn yr ystafell yma"

"Mae'r agwedd sgrialfwrdd o bethau ddim yn gorfod bod yn berffaith yn syth wedi gwir newid fy meddylfryd yn broffesiynol ac yn bersonol."

"Mae angen i bob sefydliad trydydd sector wneud hyn"

​Strwythur y cwrs  

​​Dros yr 10 wythnos, bydd angen cadw tri dyddiad yn rhydd yn eich calendr.

​Cyfnod Darganfod 

​1. Gweminar Cyflwyno: 23 Medi 10 am - 1 pm [AR-LEIN]. 

• ​Bydd y cwrs yn dechrau gyda gweminar hanner diwrnod lle byddwch yn cael eich cyflwyno i'r fethodoleg dylunio gwasanaeth, sut beth yw'r broses, a sut i ddeall anghenion defnyddwyr yn well. 
• ​Yna bydd gennych bedair wythnos i gwblhau darn o ymchwil yn canolbwyntio ar ddeall ble y gallech fod yn arbed amser

​Cyfnod diffinio 

​2. Gweithdy Prototeipio: 28 Hydref, 9.30-4.30pm, Caerdydd [WYNEB YN WYNEB].

• ​Yn ystod y gweithdy rhyngweithiol wyneb yn wyneb yma, byddwch yn cael eich arwain drwy weithgareddau i ddylunio prototeip digidol newydd o'ch gwasanaeth. 
• ​​Byddwn yn darparu cinio a lluniaeth. Byddwn yn ad-dalu costau teithio. 

Cyfnod datblygu 

​Bydd gennych bedair wythnos i brofi eich ateb a chasglu canlyniadau. 

​3. Gweminar Olaf: 8 Rhagfyr, 10 am - 1 pm [AR-LEIN].

• ​Ar ddiwedd yr 10 wythnos, byddwch yn cymryd rhan mewn gweminar i rannu’r hyn rydych wedi’i ddysgu drwy gydol y cwrs a byddwch yn dathlu’r hyn rydych wedi’i gyflawni. 

​Tasgau hunan-astudio 

​Rhwng y sesiynau, byddwch yn cael eich arwain drwy gyfres o weithgareddau y gallwch eu cwblhau yn eich amser eich hun. 

​Rydyn ni’n argymell eich bod yn caniatáu 2-3 awr yr wythnos ar gyfer y cwrs. 

​Cyfarfodydd mentora gyda hyfforddwyr 

​Byddech chi hefyd yn cael 2 (neu fwy os hoffech) cyfarfod mentor awr o hyd gyda'r hyfforddwyr i sicrhau eich bod chi ar y trywydd cywir ac i'ch cefnogi gyda'r prosiect. 

Ar gyfer pwy mae’r cwrs yma? 

​Mae’r cwrs yma ar gyfer sefydliadau trydydd sector sydd wedi’u lleoli yng Nghymru neu sy’n darparu gwasanaethau yng Nghymru.

​Anogir dau berson o bob sefydliad i fynychu'r cwrs, er nad yw'n hanfodol. Mae angen i bob person gofrestru'n unigol.

Gwybodaeth bwysig

• Cymhwysedd: Mae’n rhaid i chi fod yn rhan o Sefydliad Trydydd Sector sydd wedi’i leoli yng Nghymru neu sy’n darparu gwasanaethau yma. 
• Iaith: Cyflwynir y sesiwn yn Saesneg.

Edrychwch beth mae sefydliadau trydydd sector eraill wedi cyflawni ar y cwrs

• O ragdybiaeth i fewnwelediadau - ailfeddwl cymorth i rieni
  Clywch sut mae'r tîm Kidscape wedi defnyddio ymchwil defnyddwyr i ailgynllunio eu gwasanaethau a diwallu anghenion teuluoedd yn well.
• Cadw'r cyffyrddiad dynol wrth fynd yn ddigidol
  Darganfyddwch sut y defnyddiodd Cyngor Gwirfoddol Sirol (CGS) adnoddau digidol i gyfathrebu'n fwy effeithiol â'i aelodau a gwella ymgysylltiad.
• Symleiddio cofrestru gydag awtomeiddio
  Dysgwch sut y defnyddiodd Cymdeithas Tai godau QR ac awtomeiddio i annog mwy o bobl i gofrestru ar gyfer eu gwasanaethau a lleihau tasgau gweinyddol swyddfa gefn ailadroddus.

​Am unrhyw gwestiynau eraill, cysylltwch â megan@promo.cymru os gwelwch yn dda.